پاکستان کرکٹ ٹیم کے نوجوان فاسٹ باؤلر شاہنواز دھانی کے ناک کی سرجری کر دی گئی، بچپن سے ناک میں پھنسا کنکر نکال دیا گیا۔
تفصیلات کے مطابق کراچی کے نجی ہسپتال میں قومی ٹیم کےفاسٹ باؤلرشاہنواز دھانی کی ناک کی سرجری ہوئی، دو گھنٹے کی کامیاب سرجری کے دوران ان کے ناک میں بچپن سے پھنسا کنکر نکال دیا گیا ۔
اس کے علاوہ، سرجری کے دوران شاہنواز دھانی کے بچپن میں لگی چوٹ کی وجہ سے متاثر ہونیوالی ناک کی ہڈی بھی ٹھیک کردی گئی ۔
ریکوری کے بعد قومی ٹیم کے فاسٹ باؤلر کو ہسپتال سے ڈسچارج کردیا گیا ہے جبکہ ڈاکٹروں نے انہیں 4 جنوری کو اگلے چیک اپ کیلئے آنے کی ہدایت کی ہے، ڈاکٹروں کا کہنا ہے کہ وہ پی ایس ایل کے 7ویں ایڈیشن کے آغاز سے قبل مکمل طور پر صحتیاب ہوجائیں گے۔
واضح رہے کہ لاڑکانہ سے تعلق رکھنے والے فاسٹ باؤلر کو اس مسئلے کی وجہ سے اکثر سانس لینے میں دشواری کا سامنا کرنا پڑتا تھا۔
