Original post at: http://707monty.blogspot.com/2012/03...a-we-need.html

کہتے ہیں سیاست کے سینے میں دل نہیں ہوتا ، پاکستانی سیاست کی تو آنکھیں بھی ناکارہ ہیں اور ہاتھ بھی مفلوج ، بس زبان چلتی ہے . اپنوں کی مدح سرائی اور دوسروں کی ہرزہ سرائی میں . جس کی جتنی زبان چلتی ہے اتنے ہی بڑے عہدے پر متمکن ہے . دلیل اور منطق جیسی خرافات سے گفتگو کو آلودہ نہیں کیا جاتا ، تلخی اور تندی ایسی کے مخالف ماہی بے آب کی مانند تڑپ کے رہ جائے . شور اتنا مچاؤ کے کان پڑی آواز سنی نہ دے.
فواد چودھری جنھیں حال ہی میں وزیر اعظم کے مشیر خاص کے عہدے سے سرفراز کیا گیا ہے ان کی اکلوتی قابلیت یہ ہے کے مختلف ٹاک شوز میں اپنے مخالفین کی دھجیاں اڑا دیتے ہیں . پہلے مشرف کے منظور نظر تھے، پیپلز پارٹی اور ملسم لیگ ن کی قیادت کو دین و ملت کے سب سے بڑے مجرم گردانتے تھے اب جو سیاسی وفاداریاں تبدیل کی ہیں تو وہی زرداری سب پے بھاری دکھائی دیتا ہے .
یہاں کی سیاست میں سب جائز ہے ، قاتل لیگ اور مقتول لیگ حکومتی اتحادی بن سکتے ہیں ، کراچی میں ایک دوسسرے کے خون کے پیاسے وفاق میں مل بیٹھ سکتے ہیں . کشمالہ اور حنیف عباسی ایک ہے پارٹی کی نمائندگی بھی کر سکتے ہیں . ہم خیال ہم رکاب بھی بن سکتے ہیں . اور تو اور وہ خورشید قصوری جو مشرف کے وزیر خارجہ تھے جن کی خارجہ پالیسی پر عمران ہمیشہ تنقید کرتے رہے ، تحریک انصاف میں آنے کے بعد عمران کے مشیر براے
خارجہ امور قرار پاتے ہیں .
. الغرض سورج مغرب سے طلوع بھی ہو سکتا ہے اور گنگا الٹی بھی بہ سکتی ہے .
لوگ پیپلز پارٹی اور مسلم لیگ ن کی سیاست سے تنگ آ چکے ، عمران خان اس اندھیرے میں امید کی آخری کرن ہیں اس لئے سیاست کے خار زار میں انھیں ہر قدم پھونک پھونک کر رکھنا ہو گا ، ان کی ذرا سی لگزش پا اس قوم کو نہ امیدی کے گہرے غار میں اوندھے مونہ دھکیل سکتی ہے . ملک بربادی کے جس دہانے کھڑا ہے ہم کسی بھی اندھی محبت اور اندھی تقلید کے متحمل نہیں ہو سکتے .
اگر ہم عمران کے خیر خواہ ہیں تو ہمیں اس پر نظر رکھنی ہے کے وہ اپنے اہداف سے بھٹکنے نہ پاے، نادان دوست دانا دشمن سے زیادہ خطرناک ثابت ہوتے ہیں .
ہمیں حضرت عمر:razi: جیسے حکمران درکار ہیں تو ہمیں اپنے اندر اس عرب بدو جیسی
جرات بھی پیدا کرنی ہو گی جو بھرے مجمعے میں امیرالمومنین سے کرتے سے متعلق سوال پوچھتا ہے .

ملکہ ترنم کا ایک مشہور گانا ہے "مینوں نوٹ وکھا میرا موڈ بنے"۔اس گانے کی ویڈیو میں ایک طوائف تماش بینوں کے سامنے ناچ رہی ہوتی ہے اور تماش بین اس پر نوٹوں کی بارش کررہے ہوتے ہیں۔ "مینوں نوٹ وکھا میرا موڈ بنے "ٹائپ صحافیوں کی بھی کوئی کمی نہیں ہے۔ ان صحافیوں میں ایک نام نذیر ناجی کا ہے جس پر نوٹوں کی بارش ہوتو اس کا قلم اس کے حق میں ناچنا شروع کردیتا ہے جو اس پر نوٹوں کی بارش کرے۔

میں اس بات پر تبصرہ نہیں کرنا چاہتا کہ نذیر ناجی کی تعلیمی قابلیت کیا ہے لیکن ایک بات ہے کہ نذیر ناجی نے بڑی تیزرفتاری سے ترقی کی منازل طے کیں۔ نذیر ناجی ایک انتہائی ذہین اور موقع پرست انسان ہیں۔ وہ ہمیشہ اس جماعت کے مخالف کالم نگاری کرتے ہیں جس کے بارے میں ان کی توقع ہو کہ وہ اقتدار میں نہیں آسکتی یا اقتدار میں آکر انہیں مالی فوائد نہیں دے سکتی۔نذیر ناجی نے بذریعہ قلم کسی کی حمایت یا مخالفت کرکے بے شمار مالی فوائد حاصل کئے۔ان کا شمار ان کالم نگاروں میں ہوتا ہے کہ کانوں پر قلم لٹکائے گلی گلی آوازیں لگاتے پھرتے ہیں کہ ہم سے جو مرضی لکھوالو، مجھ سے اپنے قصیدے لکھوا لو یا مجھ سے کسی کی شخصیت پر حملے کروالو۔

رفیق غوری نے اپنے ایک کالم © "لچھی کے بھاگ" میں نذیر ناجی کی ابتدائی زندگی پر انکشاف کیا کہ بھٹو صاحب نے جب سیاست میں قدم رکھا تو ایسے لوگ بھی پیدا کئے گئے جو تھوڑے بہت پیسے لیکر ان کے خلاف کالم لکھا کرتے تھے۔ ان میں ایک نام نذیر ناجی کا ہے۔ جب بھٹو صاحب دنیا سے چلے گئے تو موصوف بھی یہ سوچ کر کہ اب بھٹو صاحب کے بعد کب پیپلز پارٹی نے اقتدار میں آنا ہے موصوف بھٹو مرحوم کے مخالفوں میں شامل ہو گئے اور جسٹس (ر) شوکت علی کو تحریریں لکھ کر دینے لگے جس کا معاوضہ شوکت علی مرحوم احتیاطاً بذریعہ چیک دیتے۔ مرحوم نے شوکت لاءایسوسی ایٹس کے نام پر ایک کمپنی بھی بنائی تھی جس میں یہی صاحب نذیر احمد ایڈووکیٹ کے نام سے ملازم تھے۔

پھر پیپلز پارٹی کی حکومت آ گئی تو محترمہ بے نظیر بھٹو کی شان میں قصیدے لکھنا شروع کردئیے۔ لیکن جیسے ہی بے نظیر کی حکومت ختم ہوئی تو نذیر ناجی کو ان میں خامیاں نظر آنا شروع ہوگئیں ۔ میاں نواز شریف وزیراعظم بنے تو اکادمی کے چیئرمین کے ساتھ ساتھ وزیراعظم کے سپیچ رائٹر بن گئے۔ نواز شریف کی وہ آخری تقریر بھی لکھی جو انہوں نے بحیثیت وزیراعظم کی تھی اور مشرف کی چھٹی کروائی تھی اسی سبب گرفتار ہوئے تو محسود محمود بن کر میاں نواز شریف کے بیٹے پر الزام دے دیا کہ تقریر انہوں نے لکھی تھی ایسے لوگ خود ہی بتاتے ہیں کہ ان پر اعتبار نہ ہونے کی وجہ سے 12 اکتوبر کو ان کا موبائل احتیاطاً پرویز رشید نے اپنے پاس رکھ لیا تھا کہ موصوف مخبری نہ کر دیں۔

جیسے ہی نواز شریف کی حکومت ختم ہوئی اور پرویز مشرف برسراقتدار آئے تو نذیرناجی پرویز مشرف کی قصیدہ خوانی کرنے لگے۔ پھر 2002کے الیکشن کے بعد مسلم لیگ ق اقتدار میں آئی تو چوہدری برادران پر صدقے واری جانے لگے اور ان کے حق میں کالم نگاری شروع کردی۔

آج کل ایک طرف تو نذیر ناجی آصف زرداری اور یوسف رضاگیلانی کے حق میں کالم نگاری کررہے ہیں تو دوسری طرف مسلم لیگ ن، اے این پی، ایم کیوایم کے حق میں لکھ رہے ہیں جبکہ ان کی زیادہ تر تنقید جماعت اسلامی اور عمران خان پر ہوتی ہے۔ عمران خان پر تنقید کرتے ہوئے موصوف بعض اوقات صحافی اخلاقیات کو بالائے طاق رکھ دیتے ہیں مثال کے طور پر نذیر ناجی نے لاہور جلسے کے بعد عمران خان پر الزام لگایا کہ عمران خان جلسے کے دوران بار بار پانی اس لئے پی رہے تھے کہ وہ حشیش کا استعمال کرتے ہیں۔ اسی طرح کراچی جلسے کے بعد انہوں نے لکھا کہ عمران خان نماز پڑھتے وقت چیونگم چبا رہے تھے۔ اب نماز پڑھتے ہوئے تو منہ ہر ایک کا ہلتا ہے ۔ اسی طرح کوئٹہ جلسے کے بعد نذیر ناجی نے تحریک انصاف پر ہٹلریت کا الزام لگایا اور ساتھ ساتھ یہ الزام بھی لگایا کہ تحریک انصاف کے سپورٹرز مجھے موبائل پر گالیاں دیتے ہیں۔ موصوف خود بھی ماضی میں جس طرح کی زبان استعمال کرچکے ہیں وہ تو انٹرنیٹ استعمال کرنیوالے یوٹیوب پر سن چکے ہیں کہ نذیر ناجی نے کس طرح اپنے ہی جونئیر صحافی احمد نورانی کو شراب کے نشے کی حالت میں گالیوں سے نوازا۔ احمد نورانی کا قصور اتنا تھا کہ وہ اس بات پر تحقیق کررہے تھے کہ کس کس صحافی نے حکومت سے پلاٹ لئے ہیں۔ انہوں نے غلطی سے نذیر ناجی کو فون کرڈالا اور دو پلاٹ لینے پر پوچھا تو جواب میں نذیر ناجی نے گالیوں کی بوچھاڑ کردی اور احمد نورانی نے اس کی کال ریکارڈ کرلی اور پھر انٹرنیٹ پر پھینک دی۔ اس گالی نما آڈیو کا لنک یہ ہے۔

جب بھی لفافہ کلچر کا نام لیا جاتا ہے تو نذیر ناجی کا نام ضرور گردش کرتا ہے۔ نذیر ناجی نے قلم کا سہارا لیکر بے شمار مالی اور ذاتی مفادات حاصل کئے۔ بے شمار پلاٹس حاصل کئے اور انصار عباسی کے بقول انہوں نے اپنے بیٹے دانیال ناجی کو اوپر سے سفارش ڈلوا کراعلی سرکاری نوکری دلوائی ۔ ابھی حال ہی میں پیپلزپارٹی کی حکومت نے نذیر ناجی کو نشان امتیاز دیاہے ۔ تاثریہی ملتا ہے کہ انہیں یہ نشان امتیاز حکومت کی قصیدہ گوئی ، تحریک انصاف کے خلاف پروپیگنڈا کرنے پر ملا ہے یا پھریہ ٹیلیفون پر شراب کی حالت میں گالیاں دینے کا انعام ہے۔

نذیر ناجی کے ایک بیٹے انیق ناجی جو آج کل دنیا ٹی وی پر اینکر ہیں، اور کسی زمانے میں ٹی وی پر ایکٹنگ کیا کرتے تھے اوردنیا ٹی وی کے مشہور پروگرام حسب حال کے سہیل احمد عزیزی کے ساتھ ایک مشہور ٹی وی سیریل دن میں پرفارم کرچکے ہیں۔ اس ڈرامے میں سہیل احمد نے انیق ناجی کے والد کا کردار ادا کیا تھا اور سہیل احمد نے پور ے ڈرامہ کی شوٹنگ کے دوران انیق ناجی کو گائیڈ کیا لیکن اسی سہیل احمد انیق ناجی کے والد گرامی نذیر ناجی بھانڈ، مراثی جیسے القابات سے نواز چکے ہیں۔ ظاہر ہے کہ سہیل احمد نے اس بات کا برا بھی منایااور اس کا اظہار اپنے پروگرام میں بھی کیا۔

نذیر ناجی ایس نوٹ چھاپنے والی چلتی پھرتی مشین ہے جو سٹیٹ بنک کے پاس بھی نہیں۔ عمران خان اگر چند نوٹ اس کے منہ میں ٹھونس دے تو اس کا قلم عمران خان کے حق میں لکھنا شروع کردے گا اور اس کا قلم عمران خان کو قومی ہیرو، قوم کا مسیحا لکھنا شروع کردے گا ، شوکت خانم ہسپتال، نمل یونیورسٹی کو اس کا قلم بہت بڑا کارنامہ قراردے گا۔ مجھے یقین ہے کہ کل کلاں عمران خان کواقتدار ملا تو یہ اس کی تعریف میں بھی زمین آسمان ایک کردیں گے۔

رفیق غوری نے اپنے کالم میں نذیر ناجی ٹائپ صحافیوں کے بارے میں مزید لکھا کہ محسوس ہوتا ہے پانڈے کلی کرا لو کے وزن پر مجھ سے سچ لکھوا لو مجھ سے حقائق مسخ کروا لو جو مرضی لکھوا لو جو مرضی کرا لو بس میری ضروریات کا خیال رکھو یہی وہ لوگ ہیں جو شراب خانہ خراب کا بندوبست ہر حال میں چاہتے ہیں اور اس کے لئے اس کے میسر نہ ہونے کے سبب اپنے پیاروں کا جنازہ پڑھنے اور ان کی پھوڑی پر تعزیت کی خاطر بیٹھنے سے بھی اجتناب کرتے ہیں کہ یہاں بن پئے بیٹھا نہیں جائے گا اور ایسے پی کر بیٹھنے نہیں دیا جائے گا اور پھر تعزیت چھوڑ کر پرمٹ والے کسی بگا مسیح کے پاس پہنچ جاتے ہیں مگر ایسے لوگوں کو ہر غیرت مند آدمی، ہر بااصول فرد پہچان چکا ہے اور لگتا ہے ایسے لوگ اس مشاورتی کونسل میں بدلے ہوئے حالات کے باوجود اپنی جگہ بنا سکتے ہیں جہاں شراب خانہ خراب کا بندوبست ہو سکے جہاں بھٹو صاحب کے حق میں بھٹو صاحب کے خلاف نواز شریف کے حق میں، ان کے خلاف، بے نظیر کے حق میں ان کے خلاف پرویز مشرف کے حق میں، پرویز مشرف کے خلاف پراپیگنڈے کا عمل تھوڑے پیسوں کے عوض بھی کرنا پڑے تو کر سکیں۔ ایسے لوگ نجٰی تو ہوتے ہیں ناجی نہیں ہو سکتے ایسے پا جی ہی بہانے بہانے سے آوازے لگاتے ہیں۔ سانوں وی لے چل نال باﺅ سوہنی گڈی والیا اور یہ آواز الفلاح کے سامنے لگاتے پھرتے ہیں ہمیشہ رات گئے وہاں پہنچ جاتے ہیں اور یہی آوازیں لگاتے ہیں۔ یہی لوگ ہیں جو کسی ڈار کے کہنے پر عقیدہ ختم نبوت پر قید و بند کی صعوبتیں برداشت کرنے والے شورش کاشمیری کے خلاف قلمی نام سے لکھ سکتے ہیں۔ مولانا مودودی کے چہرے پر ایک فلمی اداکارہ کا چہرہ لگا کر دام کھرے کر سکتے ہیں۔ مجاہد ختم نبوت مولانا عبدالستار خان نیازی کے خلاف گواہی دے سکتے ہیں ایسے لوگوں کو تو یہ بھی نہیں کہا جا سکتا کہ اب تمہاری عمر ایسی ہے۔ اب تم عمر کے ایسے حصہ میں ہو جب طوائف گلی میں محض اس لئے پھسلن کرکے بیٹھ جاتی ہے کہ کوئی اسے گندی گالی دے گا تو مزہ آ جائے گا ایسے لوگوں کو کیا معلوم کہ نظریہ کیا ہوتا ہے نظریاتی لوگ کیسے ہوتے ہیں کہ انہوں نے نظریہ ضرورت کے آگے کا کبھی سوچا ہی نہیں ہوتا۔

یہ 1992 کا واقعہ ہے، جب عمران خان پاکستان کرکٹ ٹیم کے فاتح کپتان کی حیثیت سے سرخرو ہوکر پاکستان آئے تو نہ صرف کرکٹ سے دلچسپی رکھنے والوں بلکہ عام لوگوں نے بھی ان کا والہانہ استقبال اس لئے کیا کہ انہوں نے بین الاقوامی سطح پر پاکستان کا نام روشن کیاتھا، اس وقت کے وزیراعظم میاں محمد نواز شریف نے وزیراعظم ہاؤس میں کامیابی حاصل کرنیوالی ٹیم کو ظہرانہ دیا اور انعام وکرام سے بھی نوازا۔ کرکٹر کی حیثیت سے یہ عمران خان کا عروج تھا جسے وزیراعظم نواز شریف نے مسلم لیگ کے لئے کیش کرانے کی ایک کوشش اس طرح کی کہ اپنے بااعتماد اخبار نویس کو بریف کرکے عمران خان کے پاس بھیجا، جس نے عمران خان سے ملکی سیاست میں حصہ لینے کے بارے میں سوال کیا۔ جس پر عمران خان نے کہا کہ میں پاکستان کی گندی سیاست کا ہرگز حصہ نہیں بننا چاہتا، میں نہیں چاہتا کہ ایک کرکٹر کی حیثیت سے میں نے جو نام اور عزت کمائی ہے اسے سیاست میں آکر ضائع کردوں۔ جس پر رابطہ کرنیوالے نے کہا کہ آپ سینٹ میں آکر اپنا کرداد سنجیدگی اورمتانت سے ادا کرسکتے ہیں اور اس مقصد کے لئے میاں نواز شریف آپ کو سینٹ کا ٹکٹ دینے میں کوئی ہچکچاہٹ محسوس نہیں کریں گے۔ عمران خان نے ایک کے توقف کے بغیر جواب دیا۔ آپ کیا چاہتے ہیں کہ اسمبلیوں میں دو نمبر لوگ بیٹھے ہیں، جن کا ریکارڈ مجرموں جیسا ہے جو قومی دولت کی لوٹ مار میں مصروف ہیں، میں ان لوگوں کے ساتھ کیوں بیٹھوں؟ آپ کیا چاہتے ہیں کہ ٹکے ٹکے کے لوگ ایوان میں میری بے عزتی کریں، مجھ پر جملے کسیں، میں ایسی سیاست کا حصہ کبھی نہیں بنوں گا۔ اس موقع پر جب ان سے استفسار کیا گیاکہ آپ سیاست میں آئیں گے؟ تو اس وقت قومی ٹیم کے کپتان نے جواب دیاجیسی سیاست آج ملک میں ہورہی ہے، ایسی سیاست سے تو (کانوں کو ہاتھ لگاتے ہوئے) اللہ تعالی دور ہی رکھے۔ اس کے بعد اسحاق ڈار نے عمران خان سے مسلم لیگ ن میں شمولیت کے لئے رابطہ کیا لیکن بات نہیں بنی۔

جن دنوں عمران خان شوکت خانم کے لئے فنڈ ریزنگ کررہے تھے انہی دنوں بے نظیر بھٹو کی حکومت تھی۔ عوام پیپلزپارٹی کی کرپشن اور بیڈگورننس سے تنگ تھی جس طرح آج تنگ ہے۔عمران خان کو دیکھ کر کہیں کہیں وزیراعظم عمران خان کے نعرے لگنا شروع ہوگئے تھے، لیکن سیاست سے بیزار عمران خان سیاست پر گفتگو اکثروبیشتر کیا کرتے تھے، 1993میں الیکشن کا دور دورہ تھا، جب عمران خان ابھی سیاست میں نہیں تھا کہ لاہور چیمبر آف کامرس میں عمران خان نے حامد میر کے ساتھ گفتگو کرتے ہوئے بے نظیرکی پالیسیوں پر کڑی تنقید کی اور اگرچہ یہ گفتگو آف دی ریکارڈ تھی لیکن حامد میر نے اسے اخبار کی زینت بنادیا، بے نظیرنے اقتدار میں آتے ہی شوکت خانم کے بارے میں تحقیقات شروع کروادیں اور وفاقی حکومت کی زیرنگرانی عمران خان کے خلاف مختلف الزامات سے بھرپور کتاب چھپوادی۔

1996 میں جب عمران خان نے پارٹی شروع کی تو اس وقت عمران خان کے ساتھ قابل اور اچھے لوگ شامل ہوگئے۔ ان میں حسن نثار، سردارایاز صادق، نسیم زہرہ، فاروق امجد میر، اویس غنی، مواحد حسین شاہ، عبدالستار زمردخان ایڈوکیٹ، کشمالہ طارق وغیرہ۔ عمران خان کی پارٹی بنتے ہی مقبولیت پکڑنا شروع ہوگئی جس کی وجہ سے مسلم لیگ ن پریشان ہوگئی اور اس کے عہدیداروں کے بیانات آنا شروع ہوگئے کہ سیاست ایک کھلاڑی کے بس کی بات نہیں۔ سیاست صرف سیاستدان ہی کرسکتے ہیں۔

1997 میں عام انتخابات کا اعلان ہوا۔ اس وقت عمران خان کی مقبولیت عروج پر تھی۔ عمران خان کی مقبولیت کو دیکھتے ہوئے مسلم لیگ ن نے عمران خان کو دس سیٹوں کی پیشکش کی جسے عمران خان نے مسترد کردیا اور سیاست میں اکیلے ہی حصہ لینے کا فیصلہ کیا۔ مسلم لیگ ن چونکہ عمران خان کی مقبولیت سے خوفزدہ تھی۔ اس صورتحال کو دیکھتے ہوئے مسلم لیگ ن نے عمران خان اور اس کی فیملی کو نشانہ بنانا شروع کردیا، مشاہد حسین سید کی زیرنگرانی ایک میڈیا سیل ترتیب دیا گیا جو عمران خان کے خلاف پروپیگنڈا کرتا تھا کہ عمران خان یہودیوں کا ایجنٹ ہے، اس کی بیوی یہودی ہے۔ سیتا وائٹ کا سکینڈل خوب اچھالاگیا، ایک جعلی چیک میڈیا میں پیش کیا گیا کہ اس کے سسر نے انتخابی مہم کے لئے دیا ہے، یہاں تک کہ شوکت خانم کوبھی نہیں بخشا گیا، اس پروپیگنڈا کا نتیجہ یہ نکلا کہ عمران خان کی مقبولیت اچانک کم ہوگئی۔

اس پروپیگنڈا کا نتیجہ یہ نکلا کہ لوگوں نے یقین کرلیا کہ عمران خان واقعی یہودیوں کا ایجنٹ ہے۔ ڈرائنگ رومز، ٹی سٹالز ، حجام کی دکانوں ، تھڑوں پر لوگ عمران خان کو یہودیوں کا ایجنٹ کہنا شروع ہوگئے اور عمران خان بری طرح الیکشن ہار گیا اور اس کی پارٹی کوئی سیٹ نہ جیتنے میں کامیاب نہ ہوسکی۔ اس کے بعد بہت سے لوگ تحریک انصاف کو چھوڑ گئے، حسن نثار، نسیم زہرہ، مواحد حسین شاہ پارٹی چھوڑ کر دوبارہ صحافی بن گئے۔ فاروق امجدمیر نے تحریک انصاف چھوڑ کر لاہور کے نائب ناظم کا الیکشن لڑا بعدازاں طاہرالقادری کی نشست خالی ہونے کے بعد الیکشن لڑکر ایم این اے بنا اور بعد ازاں مسلم لیگ ق سے اختلافات کے بعد پارٹی چھوڑ دی اور کچھ عرصہ بعد تحریک انصاف دوبارہ جوائن کرلی۔ اویس غنی تحریک انصاف چھوڑ کر مشرف کے ساتھ مل گیا پہلے گورنر بلوچستان بعد ازاں گورنر سرحد بن گیا۔ عبدالستار نے بھی تحریک انصاف چھوڑ کر مشرف کا ساتھ دیا اور وزیر خارجہ بنا۔

سردار ایاز صادق نے 1997 کا الیکشن لڑا اور بری طرح ہار گیا۔ اس نے تحریک انصاف چھوڑ کر ن لیگ جوائن کی اور دو بار ایم این اے بنا۔ 2002 کے الیکشن میں NA122 سے عمران خان کے مدمقابل الیکشن لڑا اورعمران خان کو ہراکر ایم این اے بنا۔ یہ عجیب معاملہ ہے کہ 2002 میں اس کی پارٹی کا سابق رکن اس کے مدمقابل تھا لیکن 2002میں ہی ایک اور شخص مسعود شریف خٹک نے عمران خان کے خلاف الیکشن لڑا بعد ازاں مسعود شریف خٹک نے تحریک انصاف جوائن کرلی۔ زمردخان ایڈوکیٹ بھی 1997 میں بری طرح ہارا لیکن 2002 میں پیپلزپارٹی میں شامل ہو۱ اورمسلم لیگ ن کے راجہ ظفر الحق کو ہرا کر ایم این اے بنا۔

نواز شریف کی حکومت کو مشرف نے معزول کیا اور بے رحمانہ احتساب کا نعرہ لگاکر اقتدار سنبھال لیا، عمران خان مشرف کے اس نعرے سے اتنا متاثر ہوا کہ مشرف کا ساتھ دینے کا ارادہ کرلیا، 2001میں مشرف کے ریفرنڈم کی حمایت کی، 2002 کے الیکشن سے قبل عمران خان کو مشرف نے وزیراعظم کی پیشکش کی لیکن عمران خان نے یہ پیشکش قبول نہیں کی۔ 2002 کے الیکشن میں عمران خان نے صرف ایک قومی اسمبلی اور ایک خیبر پختونخواہ کی صوبائی اسمبلی کی سیٹ جیتی۔ اس کے بعد عمران خان کے مشرف سے راستے الگ ہوگئے اور قوم سے مشرف کا ساتھ دینے پر معافی مانگی۔اس کے بعد عمران خان کو سیاسی کامیابی نہ مل سکی لیکن ججز بحالی تحریک میں مشرف کے خلاف جدوجہد کرتا رہا اور 2008کے الیکشن کا بائیکاٹ کیا۔

30 اکتوبر کے جلسے نے عمران خان کی سیاست کا پانسہ ہی پلٹ دیا اور عمران خان جہاں عوام کی توجہ کا مرکز بن گیا وہیں دوسرے سیاستدانوں کی توجہ بھی حاصل کرنے میں کامیاب ہوگیا اور دوسری جماعتوں سے لوگ ٹوٹ ٹوٹ کر تحریک انصاف میں شامل ہونے لگے۔ تحریک انصاف میں جاوید ہاشمی، شاہ محمود قریشی، جہانگیر ترین، خالد کھرل، اسحاق خاکوانی جیسے منجھے ہوئے سیاستدان شامل ہوئے۔ عمران خان پر قسمت اس قدر مہربان ہوئی کہ نوازشریف کا پرانا قائد ائیر مارشل اصغر خان (نواز شریف کی پہلی پارٹی تحریک استقلال تھی ) نہ صرف تحریک انصاف میں شامل ہوگیا بلکہ اپنی پارٹی بھی تحریک انصاف میں ضم کردی۔

عمران خان کی مقبولیت میں جہاں اس کی سولہ سال کی محنت ہے وہیں پیپلزپارٹی، اے این پی، جے یوآئی، ن لیگ کی بیڈگورننس اور بدانتظامی کا ہاتھ ہے۔آج ہر سیاسی جماعت تحریک انصاف سے خوفزدہ ہے۔ن لیگ نے عمران خان کی مقبولیت دیکھتے ہوئے واویلا کرنا شروع کردیا کہ عمران خان کے پیچھے اسٹیبلشمنٹ کا ہاتھ ہے یا عمران خان اپنے ساتھ پرانے لوگوں کو ملا کر کس طرح انقلاب لائے گا۔ پیپلزپارٹی پہلے خوش تھی کہ تحریک انصاف مسلم لیگ ن کو ٹف ٹائم دے گی لیکن جب اس نے اپنی پارٹی کے لوگ ٹوٹتے دیکھے تو اس نے بھی توپوں کا رخ عمران خان کی طرف کردیا ہے، ن لیگ کے بعد مولانا فضل الرحمن بھی کمر کس کر میدان میں آگئے ہیں او ر کہنا شروع کردیا کہ عمران خان یہودیوں کا ایجنٹ ہے۔

عمران خان نے یہ کامیابیاں اپنی چند خوبیوں کی وجہ سے حاصل کیں، اس کی سب سے بڑی خوبی مستقل مزاجی ہے۔سولہ سال تک ناکامیاں دیکھیں، مخالفین نے ذاتی حملے کئے لیکن سیاست نہیں چھوڑی۔ خیال یہی کیا جارہا تھا کہ عمران خان سیاست چھوڑ کر شوکت خانم سنبھال لے گا، کوئی اور اس کی جگہ ہوتا تو کب کا سیاست کو خیرباد کہہ چکا ہوتا۔ عمران خان کی مستقل مزاجی اور ہمت نہ ہارنے کو دیکھ کر مجھے ہمنگوے کا لکھا ناول
Old Man and Sea
یاد آجاتا ہے جس کا ایک مشہور فقرہ ہے کہ
"A man can be destroyed but not defeated"
ن لیگ نے عمران خان پر ذاتی حملے کئے لیکن جواب میں عمران خان نے نوازشریف فیملی پر کوئی ذاتی حملہ نہیں کیا حالانکہ نواز شریف کی ذاتی زندگی کے کافی کارنامے موجود ہیں جس کی جھلک ایم کیوایم نے چندماہ قبل دکھائی تھی۔ عمران خان میں قوت برداشت بہت ہے۔ اس نے سولہ سال طعنے سنے، صحافیوں نے اس کا مذاق اڑایا لیکن کبھی شکوہ نہیں کیا۔

عمران خان ایک اور خوبی پختہ یقین ہے۔ دو سال قبل عمران خان نے کہنا شروع کردیا کہ ہم آئندہ الیکشن میں کلین سویپ کریں گے تو ہرایک نے اس کا مذاق اڑایا یہاں تک کہ کامران شاہد کے پروگرام میں کامران شاہد نے کہا کہ مجھے یقین نہیں کہ آپ آئندہ کامیاب ہوسکیں گے تو عمران خان نے کہا کہ میں لکھ کر دینے کو تیار ہوں۔ کامران شاہد نے کاغذ عمران خان کے حوالے کردیا کہ اس پر لکھ دیں اور عمران خان نے اس کاغذ پر کچھ لکھ کر کاغذ اس کے حوالے کردیا۔

آج عمران خان کی مقبولیت جڑ پکڑ رہی ہے، آج جب عمران خان کی تحریک انصاف نے دوبارہ مقبولیت حاصل کرنا شروع کردی ہے تو مخالفین کے کان کھڑے ہوگئے ہیں اور عمران خان کی مقبولیت کو زائل کرنے کے لئے طرح طرح کے ہتھکنڈے اختیار کررہے ہیں، ن لیگ نے پہلے تو یہ کہنا شروع کردیا کہ عمران خان کو اسٹیبلشمنٹ کی سپورٹ ہے۔ جب اس سے بھی بات نہیں تو کہنا شروع کردیا کہ عمران خان لوٹوں کو ساتھ ملارہا تھا، پرانے لوگوں کو ساتھ ملا کر تبدیلی نہیں آسکتی۔اس سے بھی بات نہیں بنی تو الزام لگایا گیا کہ عمران خان نے نواز شریف سے 1987میں پلاٹ لیا تھا کہ اس کے پا س کوئی گھر نہیں حالانکہ اس وقت اس کے پاس گھر تھا، اس سے بھی بات نہیں بنی تو عمران خان کی حالیہ شائع ہونیوالی کتاب کا ایک حوالہ دینا شروع کردیا کہ عمران خان ایک جواری ہے، اس سے بھی بات نہیں بنی تو کہنا شروع کردیا کہ سونامی تباہی کی علامت ہے۔ ن لیگ کی کوشش توہے کہ وہ عمران خان پر ذاتی حملے کرے لیکن خاموش اس وجہ سے ہیں کہ کہیں ان پر جوابی فائر نہ ہوجائے ۔ چونکہ نوجوانوں کی اکثریت عمران خان کے ساتھ ہے ،اس لئے ن لیگ نے نوجوان ووٹرز کو اپنی طرف راغب کرنے کے لئے جہاں نواز شریف نے اپنی بیٹی مریم نواز، حمزہ شہباز کو میدان میں اتارا ہے وہیں لیپ ٹاپ سکیم شروع کردی ہے، کچھ مزید نئے منصوبے شروع کئے ہیں تاکہ نوجوان تحریک انصاف کی طرف نہ دیکھیں۔

مجھے یقین ہے کہ عمران خان پر پھر سے الزامات کی گولہ باری شروع ہوجائے گی اور پھر سے عمران خان کو یہودیوں کا ایجنٹ کہاجائے گا، پھر سے سیتاوائٹ، جمائما خان، شوکت خانم سمیت بہت سے الزامات لگائے جائیں گے۔ اس بار پروپیگنڈا 1997 سے شدید ہوگا۔ 1997 میں پروپیگنڈا سیل مشاہد حسین سیدجیسا شریف النفس چلا رہا تھا لیکن اب پروپیگنڈا سیل حنیف عباسی، عابد شیرعلی، پرویز رشید، رانا ثناءاللہ، صدیق الفاروق، احسن اقبال، مشاہداللہ خان جیسے لوگوں کے پاس آگیا ہے جو اپنی غلیظ زبان کی وجہ سے ٹاک شوز میں مقبول ہیں۔ لیکن عمران خان کو سیاست کرنی ہے تو ہر الزام کا بھرپور جواب دینا ہوگا۔ اچھی میڈیا ٹیم تشکیل دینا ہوگی۔